नेक्सजेन म्यानेजमेन्ट र आर्कबो टेक्नोलोजिज बीच व्यवसाय साझेदारी सम्झौता

नेक्सजेन म्यानेजमेन्ट सोलुसन्स र आर्कबो टेक्नोलोजिज बीच व्यापारिक साझेदारी सम्बन्धी सम्झौता भएको  छ । नेक्सजेन म्यानेजमेन्टको मैतिदेविस्थित कर्पोरेट कार्यालयमा आयोजित समारोहमा दुबै कम्पनी बीच उक्त सम्झौता भएको हो । 

सम्झौता पत्रमा नेक्सजेन म्यानेजमेन्टको तर्फबाट अध्यक्ष रमेश कुमार भट्टराई र आर्कबो टेक्नोलोजिजको तर्फबाट संस्थापक÷सञ्चालक भुषण गिरिले हस्ताक्षर गरेका छन् । सम्झौता पश्चात आर्कबो टेक्नोलोजिजको व्यापारिक साझेदारको रूपमा नेक्सजेन म्यानेजमेन्टले काम गर्नेछ ।

यस सम्झौताले नेपाली बजारमा नवीन प्रविधिहरू र उच्चस्तरीय सेवाहरूको पहुँचलाई अझ फराकिलो बनाउने विश्वास कम्पनीले लिएको छ ।आर्कबो टेक्नोलोजिज लामो समय सूचना तथा प्रविधि क्षेत्रमा अनुभव भएको ब्यक्तिहरूद्वारा प्रबर्द्धित तथा सञ्चालित प्रविधि कम्पनी हो ।

Source: https://bizpati.com/update/81878

प्रकाशित मितिः २६ असार, २०८१